1(3)

2(5)

1(7)

1(1,9)

1(6)

1(1,2,3,4)

2(5,7)

1(6,10)

1(1,7)

1(7)

2(2)

2(2,6)

• Y plant i edrych ar luniau o uwcholygon o wrthrychau beunyddiol e.e. tebot, bwrdd. Y plant i fynd ati i ddyfalu beth yw'r lluniau. Symud ymlaen i ofyn i'r plant dynnu lluniau tebyg eu hunain yn dangos uwcholygon pethau syml o amgylch y dosbarth.
• Y plant i wneud uwcholygon o ble maent yn eistedd yn y dosbarth.
• Trafodaeth ddosbarth am y modd y defnyddir yr ystafell ddosbarth. Oes unrhyw ardaloedd arbennig? Oes ardaloedd maent yn eu hoffi yn arbennig?
• Trafod gwahanol symbolau a allwn eu defnyddio i gyfleu gwahanol bethau yn y dosbarth e.e. sinc/ ffenestr/ drws. Wedi cytuno ar symbolau y plant i fynd ati i gyd-weithio a phartner i wneud uwcholygon o'r dosbarth.
• Dangos lluniau o wahanol ardaloedd o amgylch yr ysgol i'r plant. Ble mae'r llefydd hyn? Y plant i gyfateb lluniau i gynllun o'r ysgol.
• Rhoi casgliad o symbolau/lluniau i'r plant o bethau amrywiol o amgylch yr ysgol. Y plant i fynd am dro i chwilota am y pethau yma e.e. ffens; bin sbwriel.
• Edrych ar gynllun o'r ysgol gan drafod llwybrau'r plant o un man i'r llall. Beth yw'r ffordd gyflymaf i gyrraedd y dosbarth derbyn? Sut gallwn gyrraedd y gylch feithrin heb fynd heibio'r llyfrgell? Canolbwyntio ar ddefnyddio termau fel chwith, de, yn syth ymlaen..a.y.y.b. Rhoi cardiau fflach i'r plant a saethau cyfeiriadau arnynt.
• Mynd am dro o amgylch tiriogaeth yr ysgol. Trafodaeth ddosbarth am yr hyn mae'r plant yn ei hoffi/ ddim yn hoffi am yr ardal o amgylch yr ysgol. Edrych yn arbennig ar bethau naturiol a'r pethau a greuwyd gan ddyn. Sut hoffe'r plant newid tiriogaeth yr ysgol er gwell. Ysgrifennu llythyr at Mr Ellis yn son am y newidiadau.
• Ymarfer pellach yn dilyn cyfarwyddiadau wrth ddefnyddio'r crwydryn. Y plant i anfon y crwydryn ar daith arbennig gan smalio mai Inc Wirion Bost ydyw yn postio llythyron yn y stori. Pa lwybr sydd angen iddo ei ddilyn er mwyn postio'r llythyron yn gywir?
• Trafod taith y plant i'r ysgol bob dydd. Pa nodweddion arwyddocaol maent yn eu gweld. Llunio rhestr/ lluniau o'r nodweddion yma. Cyflwyno map syml i'r plant yn dangos taith Inc Wirion Bost yn y stori o un ty i'r llall. Y plant i fynd ati i lunio map syml eu hunain yn dangos eu taith i'r ysgol.
• Edrych ar fap go iawn yn dangos taith y bws i'r ysgol bob dydd. Pa symbolau sydd ar y map? Edrych yn arbennig am symbolau megis eglwys, ysbyty, a.y.y.b.
• Trafodaeth ynglyn a'r gwaith y mae pobl yn ei wneud yn yr ysgol. Ble mae'n nhw'n gweithio? Beth mae'n nhw'n gwnaeud? Y plant i lunio holiadur syml er mwyn casglu gwybodaeth am eu swyddi. Creu arddangosfa yn yr ysgol yn dangos y bobl hyn.
• Ymestyn y gwaith i gasglu gwybodaeth mewn llyfrau cyfair am bobl eraill sy'n ymweld a'r ysgol e.e. postmon. Pa drafnidiaeth maent yn ei ddefnyddio? I ble arall maent yn mynd?

ASESU:

• Ydi'r plant yn gallu mynegi safbwynt am nodweddion amgylchyddol yr ysgol sydd iddyn nhw naill ai'n ddeniadol neu'n anneniadol?
• Ydi'r plant yn gallu mynegi barn ar nodweddion deniadol ac anneniadol amgylchedd yr ysgol?