Croeso i dudalennau Ysgol Gynradd Gymraeg Tyle'r Ynn! Mae'r ysgol wedi ei lleoli yn Llansawel, ger Castell-Nedd. Agorwyd yr ysgol ym 1997 a bellach mae 62 o blant yn mynychu'r ysgol yn llawn amser, a 33 o blant yn yr Uned Feithrin. Bydd yr ysgol yn tyfu'n flynyddol nes cyrraedd Blwyddyn 6 ym 2004. Mae'r ysgol yn gwasanaethu ardaloedd Brynhyfryd, Coedffranc, Crymlyn, Llansawel, Melin, Ynysmaerdy a Sgiwen, ac yn bwydo Ysgol Gyfun Ystalyfera maes o law.

Mae gan yr adeilad presennol saith ystafell ddosbarth ynghyd a neuadd fawr sydd hefyd yn cael ei defnyddio fel neuadd fwyta. Ceir digonedd o ardaloedd chwarae yn yr awyr agored yn cynnwys ardaloedd wyneb caled, corlan caeedig ar gyfer Meithrin a Derbyn ac ardaloedd eang o laswellt.

Dosbarth Blynyddoedd 1 a 2
Mae 27 o blant yn y dosbarth- 13 ym mlwyddyn 1 ac 14 ym mlwyddyn 2. Yr athrawes ddosbarth yw Miss C.Hughes, sydd hefyn yn Ddirprwy Bennaeth yn yr ysgol.

Yn ystod cyfnod dysgu'r bore mae'r ysgol yn gweithredu'r awr lythrennedd a rhifedd. Mae'r pynciau eraill yn cael eu dysgu yn ystod sesiynau'r prynhawn . Mae Daearyddiaeth yn cael ei ddysgu fel gwers ddosbarth, er bod y gweithgareddau yn cael eu gwahaniaethu yn ol gallu'r plant. Caiff y plant gyfle i weithio fel dosbarth, yn unigol, mewn parau ac fel grwp. Rhoddir sylw hefyd i'r medrau allweddol.

Y thema dosbarth yn ystod Tymor Y Gwanwyn 2001 yw 'Tai a Chartrtefi'. Ffocws y gwersi Daearyddiaeth yw yr ardal leol, gan ganolbwyntio yn arbennig ar yr ysgol. Mae'r gwersi yn cael eu cynllunio yn bythefnosol, yn dilyn y canllawiau yng Nghynllun Gwaith Daearyddiaeth yr ysgol.